1. يا نور
يا نور على نور
اجعل في قلبي نور
اجعل في سمعي نور
اجعل كلامي نور
اجعل في عيني نور
واحميني من نفسي
2. يا مصور
يا مصور كل شئ وخالق بينى وبين اخويا شبه
فيه شئ بيشبه شئ مع إن لكل واحد فينا شبه
فيه اختلاف فى شئ وفيه إئتلاف فى شئ
وانتا اللى فى كل شئ يا رب مالك نظير او شبه
3. يا صبور
يارب صبرني على كل ما بلاني
يارب قدرني مكونش حد تاني
فيه في الحياة أسرار .. فيه ألف ألف اتجاه
وانا عشتها باصرار .. مش لاقي طوق النجاة
منجانيش غير ذكرك .. منجانيش غيرك
دانا كل ما افتكرك .. بغرق يا رب في خيرك
4. يا خالق
يا خالق الخلق في بطون الأمهات
يا خالق الملايكة والشمس والنجوم
يا مالك الملك والأرض والسماوات
يا مبدع يا معين يا حي يا قيوم
يا محدد الأجل والعمر بين عينينا
من قبضتك آدم من قبضتك جينا
انت اللي خالقنا بضعفنا وقوتنا
وانت اللي رازقنا وانت اللي بتغنينا
وحتى لو غلطنا مبتحرمناش من قوتنا
5. يا باقي
إلا وجهك الكريم
انت يا ربي ياللي مالك كل شيء
يا رحمن يا رحيم .. انت العظيم
انت الملك فى القلب لحد يوم الوعد
والأمر ليك يا رب من قبل أو من بعد
6. القوي
يا رب انت القوى فوق كل ظالم قوى
انت اللى عالم بيهم وعارف حال عبيدك
لكل واحد قوى صفحه وراح تنطوى
وانتا اللى حاكم فيهم والامر كله بإيدك
وكله مستنى بأمنيه كله مستنى الفرج
ده كل اللى دخل فى الدنيا زى ما دخلها خرج
إن كان ضعيف او قوى ,, يا قـوى
7.الغفار
يارب يا للي بتغفر الذنوب وبتقبل التوبة
أنا صليت ودعيت من قلبي في ساعة مكتوبة
وقلت ربى رب قلوب وأنا لو عندي تل ذنوب
الجأ لمين تاني هو اللي عارفتي هو اللي سواني وهدايتي من عنده في عز عصياني
ربي وأنا عبده مستحيل ينساني
8.العفو
من ظلم الناس عنيت وظلمت واتظلمت
وفي الطريق مشيت وصدمت واتصدمت
يارب انا مليت من الكلام والصمت
يارب انا اكتفيت ورجعت واسترحمت
وسئلت نفسي سؤال ايه يسوى كتر المال
لو كل الدنيا عندي ومن عفوك اتحرمت
9.السلام
سلمني من نفسي أمنى مـن غـروري
سلمت ليك نفسي في دعوتي في سحوري
صليتلك في التهجد ودعيتلك في السجود
ودعيت بعد التشهد للواحد الموجود
قويني وعيني ع الدنيا واحميني من ظلم الناس
يارب مليش حاجة تانية غير سترك يا مالك الناس
يا إله الناس .. قل اعوذ برب الناس
10.الرحمن
سميت بالرحمة ذاتك وجعلتها فى صفاتك
وجعلت رحمة واحده بين كل مخلوقاتك
فى دنيا فيها جينا واتغرينا بجمالها
بين ناس غلبانه فى حالها وناس طمعانه فى مالها
كنت بتلطف بينا كنت بتنجينا
كنت أحن علينا من أم على عيالها
يا رحمن , يا رحمن .. يا الله
11.الغني
يا عالم بحالي و غني عني وعن سؤالي، مفيش أغني منك غني ولا بعد منك غالي
أنت اللي أطعمتني ورزقتني بمالي، وأنت اللي أكرمتني في الدنيا بعيالي
وأنت اللي علمتني مطلعش في العالي.
أغنيني من فضلك، وأقبلني من فضلك، وأنظر في أعمالي
ليست هناك تعليقات:
إرسال تعليق